"АЛТАН ДОЛОО ХОНОГ"-ИЙН ҮЕЭР АВТОМАШИНУУД 2 ЦАГИЙН ТУРШ ТҮГЖИРЧЭЭ

Хятадын Гуанси мужийн Вужуан хурдны замын төлбөр хураамжийн өртөөнд 2025 оны 10 дугаар сарын 07-ны өдөр их хэмжээний түгжрэл үүссэн тухай мэдээлэл олон улсад цацагдав. Хятадын “Алтан долоо хоног” буюу Үндэсний баярынх нь амралтын дараах үед олон сая иргэн нутаг буцаж, автомашинаар буцах хөдөлгөөнд оролцсоноор улсын хэмжээний хурдны замуудын гол төлбөрийн цэгүүдэд ийнхүү урт дараалал үүссэн байна. Албан бус мэдээллээр нэг автомашин дунджаар 2 цагийн турш түгжрэлд өртсөн болохыг эх сурвалжууд дурьджээ.