ХАРБИН-ИЧУНЬ ЧИГЛЭЛИЙН ХУРДНЫ ТӨМӨР ЗАМЫН БҮТЭЭН БАЙГУУЛАЛТ ДУУСЧЭЭ

БНХАУ-ын хамгийн өндөр өргөрөгт орших, жилийн температурын хэлбэлзэл хамгийн ихтэй, олон жилийн цэвдэг давхаргыг дайран өнгөрөх хурдны төмөр замын бүтээн байгуулалт дуусчээ. Тодруулбал, Хармөрөн мужийн Харбин-Ичунь чиглэлийн хурдны төмөр зам нь нийт 318 км урт, цагт 250 км-ийн хурдтайгаар зорчих бөгөөд нийт 9 өртөөтэй. Төмөр зам ашиглалтад орсноор Харбин-Ичунь хотын хоорондын зорчих хугацааг 7 цагаас 2 цаг орчим хүртэл бууруулах гэнэ.