"Хөрсний ус, үерийн хамгаалалт" төсөл

Улаанбаатар хотын үерийн эрсдэлийг бууруулах, бохир усны шугам хоолойг шуудуу ухалгүй доторлох, шинэчлэх технологийг нэвтрүүлэх "Хөрсний ус, үерийн хамгаалалт" төслийн ТЭЗҮ-ийг Хот байгуулалт, барилга, орон сууцжуулалтын яамны дэргэдэх Шинжлэх ухааны зөвлөлийн 2026 оны 04 дүгээр сарын 30-ны өдөр хурлаар хэлэлцэгдэж дэмжигдээд буй. Төсөл хэрэгжсэнээр нийт 40 орчим км бохир усны шугамыг шинэчилж, 350 гаруй худгийг засварлах бөгөөд үүний үр дүнд шугам сүлжээний нэвтрүүлэх чадвар 20-30 хувиар нэмэгдэж, ашиглалтын хугацаа 30-50 жилээр уртасна.